我們搬家了!

我們搬家了,因為用極都唔太識用google blog 呀!
如果有興趣繼續收看, 煩請走到

http://hk.myblog.yahoo.com/ballballfikfik

繼續收看啦!!

fik fik

為食朗BB VS 假麵包

話說星期4個晚同同事食晚飯個時講起, 有個假麵包面世喎, 佢好似真麵包仲有香味架, 咁食完飯我就同cannis 姐姐and ballballsun 去搵啦, 行左一陣就見到啦...哈哈! 忍唔住驚死搵唔到咁, 10雞都走去買, 為左咩... 就係為左屋企個件朗BB, 真係好想睇下佢受唔受坤個個樣呀, 結果... 自己睇啦!

結論 : 姑姐係晒錢的!

朗朗大風吹

朗BB的頭髮成長過程

亞嫂, 亞嫂

我地真係唔可以成日話你個仔冇頭髮啦! 你睇下在他4個月的時候, 佢的頭髮都有增長架( 雖然唔多, 多到睇唔到有長過.... 不過都算有丫! 同埋你睇下佢個頭.... 以家比當初都圓左幾多
以家都唔覺佢有舊芒果係後面啦!!! 但就"便" 左囉.... 哈哈哈哈

古惑 BB!!

我終於發現一個方法去打開我同古惑朗既 gap..

哈哈!! 就係同佢影相, 係要有閃光燈個隻.. e 個 BB 真係有 d 星味 "臭臭", 一係做明星, 一係做指揮... heee

蛋糕!! 蛋糕!! 蛋蛋糕糕!! :D

慶祝生日, 當然唔可以小得生日蛋糕 la...

我地取得蛋糕後, 就回家開餐, haha...

好開心, 因為可以同 FIKFIK 分享這個 Mango Cream Dome.... heee

格仔餅, 卜卜脆.

行街街, 行下行下, 不知不覺已經好夜 la... 有 d 餓但又要回家開餐, 最好就係...

有好好味既格仔餅. 等左好耐, 出爐 la. 格仔餅又厚又卜卜脆.... 正!!

http://www.openrice.com/restaurant/sr2.htm?shopid=13622

補祝慶祝大日子!

話說因為 FIKFIK 忙於學業, 所以沒有係正日去特別慶祝 FIKFIK 既大日子.

今日終於有時間去補祝 e 個特別既日子, 我地選擇左去 High Tea, 就係 Hotel Panorama 既 Santa Lucia.

我地被安排坐係一個大概有 100 度維港 view 既位, 哇!! 38樓居高臨下, 但天氣麻麻, 有點可惜!

好奇怪, 坐左 10 分鐘, 冇人理會我地, 冇 menu, 後來, 有個著得好 casual 既女人走近問有冇人 serve 我地... 一個字 "冇".

哈哈!! 我咪問佢比 menu我地囉. 最後, 我地叫左兩個 tea set 同 english tea.唔知點解, e 個女人一路 keep 住同我地講英文, 唔通我地似 ABC... hehe.

等左一會就有得食 la... e... 原來佢地既 Tea Set 係 serve d 特色糕餅既, 值得一試.

整體糕餅既味道都好好味, 但係 Scone 就麻麻地, 可能因為凍左 la.

http://www.openrice.com/restaurant/sr2.htm?shopid=21260

值與不值的晚餐!!

我同 FIKFIK 今晚去左一間我地每次都沒有機會試既韓國餐館 - 韓松韓國料理.

我地其實係被門口個張 poster 吸引左既, d 野好似好好味咁囉... 我地就.....

我地被安排坐二樓, 果然係有 d 韓國人, d 野食係好似好地道咁, 但係整本餐牌沒有 poster 個 d 韓國麵.

我問一問有沒有麵食?? "有", Aiyo!! 要問先有既...奇怪!奇怪! 最後, 我地叫左石鍋飯同海鮮麵.

慣例食韓國料理, 有9款前菜，水準一般, 另有一碗南瓜粥，味道甜甜的, 好味!

石鍋飯好特別, 係有飯焦既, 好味!! 海鮮麵賣相好一般, 特別在係有好多海鮮, 一 d 都唔好味.

我地最後食唔晒, 比錢走人!! 哇!! 碗麵真係有 d 唔值!!! 如果下次要來要叫鐵板燒!!

http://www.openrice.com/restaurant/sr2.htm?shopid=25960


前菜


石鍋飯


海鮮麵

不可思議事件 Part II

話說老闆每年都會去泰國拜一拜, 祈求平安的。而每次去都會給我們帶來手信的, 但係可惜的是每次帶回來的,都沒有什麼新意... 即係: (呢又係個D呀... 吓...又係豬肉干呀... 嘩...求X期係SUPERMARKET 買盒睇唔出咩黎的野食呀... XxYZ...!! ) 基本上每次都係留番俾 bin 先生去處理左佢! 不過今次就有d唔同啦, 佢竟然係泰國買魚蛋番來呀...嘩哈哈! 唔通真係食上隱!
當天佢俾左一盒我地食, 叮... 時間一到3.3 即時送到, 嘩呀~~~~(唔該大家扮朗BB丫) 一聲, 好香呀..D汁又唔係太辣又野味, 魚蛋仲好彈架, 我地一行5人, 7咀8舌話咁快就食晒個一盒3條的魚蛋啦!
點知... 不可思議的事就係第二日發生左啦! 明明食晒架啦D魚蛋, 點解第二日又有一盒出現架呢??
唔通識得生魚蛋。嘿嘿... 冇可能的, 一定係老闆知道我地Like 放多盒係到啦! "閃" 呢個梗加冇可能發生啦! 於是我地等, 等睇下有冇有心人認領, 就係等左幾日, 星期五啦都冇人認領, 咁即係冇人要你啦魚蛋, 唉...魚蛋呀,魚蛋你咁可憐, 與其要你落係bin 先生肚入面, 不如我地幫下你啦.....就係咁...再叮...一聲!!! 嘩呀~~~~ 食左...仲要食到唔食! (完) ~~~~~~~~~~~~~~~~~~~~~~~~~~~~~

今日星期一,係魚蛋出事後的第三日, 在6:30pm 我收到以下電話! 聽完後我覺得, 我地都係做下好心0者, 唔通好人真係冇好報....! F : FIKFIK 闆 : 老闆

闆 : 喂, 你見唔見雪櫃有盒魚蛋呀
F : 下, 冇呀...仲有, 唔係食晒啦咩
闆: 咩話, 食晒... 有2盒架喎, 一盒俾你地食, 一盒我留番俾L生架喎, 我叫L生去雪櫃囉, 點解會搵唔到架, 你地有冇搞錯呀, 食晒, 邊個叮架, 邊個話俾你地叮架!
F : (心寒中) 係咩, 我唔知喎, 我聽到叮一聲, 就有得食啦喎, 我唔係主腦
闆: 咁邊個係主腦, 邊個叫叮, 你地有冇搞錯, 唔問人就囉去食
F: 呢到冇人係主腦, 我地只係幫下佢, 再唔食就過期啦... 我地都係好心0者
闆: 好咩心, 過咩期, 魚蛋點會過期, 你仲9辦!
F: 車... 咁咪下次再買過囉!
闆: 下次買過, 以家你買呀 話買就買, 都唔明你地有冇搞錯架 .... 係咁啦!

後記: 唔食都食左啦... 秋後算帳都已經太遲了, 況且我地都係出於好心! 同埋魚蛋又冇寫名!
下次醒目D吧!!

不可思議事件

情人節, 我同 FIKFIK 去在婚紗展行一行. 估不到有不可思議事件發生係我地身上.

不可思議事件一: 估不到有機會抽獎...
不可思議事件二: 抽到獎, 哈哈, 好幸運, 係頭獎呀!

我地當然要嘴一嘴慶祝一下 la... heee

生日禮物, 終於來到!!

今年我沒有特別為 FIKFIK 安排神祕既生日禮物, 我寧願給 FIKFIK 選擇佢既最愛.

所以, 較早前, 我地就去左買. 哎呀!! 冇冇冇冇...冇貨!!! 呀呀呀呀呀!! 我地唯有落 order la.

差不多等左一個星期 la... 哈哈! 好開心, 我地等左好耐既生日禮物終於有 la..

We are Ready!!!!

我們又行了一大步啦! 睇下... 睇下! 我地開左聯名戶口啦!
而這亦證明了一點, 就是冰河時期第二期即將開始! 冰河世紀即將降臨,萬物即將被冰封!
我的銀包開始乾硬化了! We are ready!!!!!!!!

越南檬!!

哈哈! 又到食野既時間 la...

今晚我同 FIKFIK 去在好耐冇食既越南野...

冇錯!! 就係在 LKF 附近既明珠...

我地叫左春卷凍檬, 雞絲凍檬同豬扒河粉, 當然有我地喜愛既鹹檸七 la... :D

春卷又熱又脆, d 豬扒同雞絲有 d 好鞋, 不過可以接受!!

點解有 3 碗?? 因為孫媽媽也在場... heeee...

http://www.openrice.com/restaurant/sr2.htm?shopid=2662


雞絲凍檬


春卷凍檬


豬扒河粉


鹹檸七

有 d 貴既雲吞麵!!

我同 FIKFIK 今晚又出在去找野食, 今次去左一間係佐敦既麵店食雲吞 - 麥文記麵家.

聽聞佢地出名係鮮蝦雲吞麵，雲吞淨係包蝦. 不過, 我冇叫雲吞麵因為 FIKFIK 唔食得, 所以我地叫左水餃麵, 牛腩麵同一碟靚油菜.

喎﹗好細碗麵 leh... 但好好味.. d 牛腩牛根好腍, 水餃有小小蝦, d 蝦好鮮甜, 好食!! 不過, 細細碗麵，一兩啖便食完. 一碗要24元 leh .. 一個字 "貴"!!!

d 菜心真係正菜, 咬落扑扑脆, 好香好甜又好食!! :P

http://www.openrice.com/restaurant/sr2.htm?shopid=6016

失驚無神拍你一拍...

話說 FIKFIK 因有小小唔舒服需要食藥 (可能被我傳染 :)

正當我係街上開緊支水, 忽然聽到拍一聲, 好大聲, 我既右邊面有d "脾"...

我驚呆左一陣, AIIYOOO... 原來有蚊係我既右邊面, FIKFIK 就 ........ 蚊當然應聲倒地 la...

值得加許的BALL + 蝦麵店

1月31日天晴, 心情很好是關仍然是新年假期! 真開心!

一早起來(即:黃朝白晏,日上三竿),就收到BallBall電話,佢話佢要做好呢份工, 所以要回一回公司"搞野" 查實有D"小" 不過勤力係值得加許的!
可憐的BALL, 由10:30等到我12:30都未到:( ... 冇車呀,唔關我事呀!
懶人一號"我" 就懶懶閒扮下大少奶食個早飯, 梳洗一番準備出發去接我的小濤子(BALLBALL)收工!
好緊張呀... 是關今天的目的地係佢個位呀...哈哈! 我都未去過...又怕路痴喎! 是關新界人嘛,小出省呀! 記起當年某日有人教我點行, 教到人家想發癲囉。
去完佢個位(個位好多野,仲有熊出沒注意添)... 我覺得應該要改... 叫PAUL出沒...注意就真...哈哈!
之後 BALLBALL就帶左我去左附近蝦麵店食lunch, 我想應該係作為沒有走失的獎勵吧...呵呵呵!
是日午飯
FIK FIK : CURRY 魚蛋哪咩檬!
BALLBALL: CURRY 海鮮哪咩麵!

愛心餃子!!

今年我 BALLBALLSUN 個肚一定會大左.. :D 其一, 因為到左初五, 我還未去做 GYM :P, 其二, 今年 FIKFIK 整左很多好好食既野...

有我最愛既蘿蔔糕同芋頭糕, 係初一, 重有蘋果派同愛心餃子... heee

FIKFIK 包d 餃子整到 d 手指爆曬拆... 心痛!!!

奇境...

年廿九...是日宜做節!
大人未有得食, 細佬都要食,所以我就吩咐左寶寶姐姐喂妹妹飲奶!
但小女子家地方不多, 欠缺一張人型sofa, 所以冇計啦, BallBallSun...唯有由你頂梗上!! 順便俾你親親小妹啦!! Thanks!!!
同場加影, 明明是豬但要扮牛的朗BB!! Cute .....!




(幾無奈...哈哈)



(父愛洋溢feel!!!!)

(可愛教主...朗bb)

Brunch = Breakfast + Lunch !!

我同 FIKFIK 已經好耐冇去食西餐, 所以我地今次去左一間係銅鑼灣既餐室試一試.

當我地入左去後, 哇!! 好有 HEA feel.. 有好多人已經係這間餐室 HEA 緊, 好似有好多富婆, haha.. 好彩我係星期一一早就 book左位, hee..

我地叫左 Egg Benedict with Ham, Bruch Club Monsieur with Egg, Apricot Peach Tea.

我地等左 10 分鐘, 有得食 la... Egg Benedict 個賣相好靚, 好豐富又好味... Monsieur 就中規中距, 不過 Goat Cheese 幾好味, 早知叫 Burger la..

加上 Apricot Tea, 飽飽!! e 一餐真係又好味又豐富...

http://www.openrice.com/restaurant/sr2.htm?shopid=19138

















Egg Benedict with Ham


















Brunch Club Monsieur


















Apricot Peach Tea

睇樓事件簿

其實我地唔經唔覺睇左樓都已經好一段時間架啦! 不過始終都係未睇得中!
前2天經紀姐姐打俾我,說有一個筍盤係土瓜灣欣榮花園,叫我同BallBallSun去睇喎
我地禽晚去左睇啦, 我地2個加埋BALLBALL媽都覺得好,不過業主開300萬呀! 我地梗係還佢一個天價啦
我地回佢260幾... 不過今朝早經紀姐姐打黎話業主都未必肯, 佢上左恆生估過個價都有283萬喎
我就同佢講...你同佢講下囉再!
唉... 世事難料呀! 恆生今日估你283 明天可能估你263 你點知喎!
睇下天意啦...唯有!

睇樓記!!

今晚我地係家食完溫暖既飯後, 就去左睇我地最希望擁有既野..

之後我地就慢步去九龍城搵食... heee...

今次我地去左金滿堂,叫左鮮雜果拉麵同綠茶雪糕紅豆冰.

賣相好靚, 當然拉麵非真的 係芒果味既果凍條.. 其實唔知係咩.... 紅豆冰就像冰山... 好味!!

哈哈!! 重有椰汁紫米清心丸, 係打包比阿媽既! :D

http://www.openrice.com/restaurant/sr2.htm?shopid=14141















綠茶雪糕紅豆冰
















鮮雜果拉麵

















椰汁紫米清心丸

122408是日晚餐

原來我還沒有POST 我跟BallBall的聖誕大餐出來, 呵呵

12月24日前所未有咁好有得收早,當天我們並沒有大事慶祝,我們選擇了去Element(其實係我要求)睇戲,食foodcourt就算啦, 行行街睇下戲就已經好滿足了
因為小女子好怕大時大節塞死車咁回家... 唔通真係人大了,就成熟了...哈哈

2009年我們的目標是...在新屋煮飯仔!

(平安夜合照)

(是日晚餐... 有湯,有包,好味)


















(是日甜品...雪糕)

(是日好戲,Twilight...good!)

最曳的小BB

{都未見過有咁的細路的...唉, 你睇佢又禽啦,又禽啦, 快D抱番起佢啦} 呢句對白係呢輪成日都聽到女麻女麻講的, 話說朗少佢自識行識走後, 叫佢唔好做的野就係都要做,就好似今朝咁又做埋D危險動作啦!
自行爬入學行車,你睇佢要幾危險就有幾危險!

可愛小妹

剛剛過去的星期日,我們同小妹一家飲茶茶! 你睇小妹10個月啦幾可愛...不過就細粒dd囉