Expo 趣聞!

話說我地去左wedding expo wor.. 因為我地個 lunch 係 hotdog, 所以到達 expo 時已經好鬼餓. 當然這時moca一定唔小得 la, 同時今次我地要左 Spinach pie 同 Choc lamington, 太好味了!!

充左電, 我地咪去 expo lor, 嘩! 好細. 所以我地 hai 左半個鐘就閃!! :D

不過,我地用個廿雞入場, 係有本舊雜誌同利口樂送 gei, ok 啦.. 好個無啦!

個counter姐姐話入場後係有禮物 gei, 我地咪臨走前去睇吓咩野啦, 嘩! 超煩!! d人一輪嘴叫我地去臺灣影相, 好Q煩, 我地一d都無興趣, 快快腳找個counter換禮物算數! 但找極都找唔到.... 有個uncle見到我地行離行去, 就話 "係到", 哈哈!! 遠在天邊近在眼前, :P

禮物係免費製作DVD 同免費旅遊保險. 嘩! 有冇咁大只蛤蚧隨街跳呀!!! 我地就問 uncle 包唔包 d 地方係有暴亂呀? Uncle 真係 o嘴! hehe..

呢個就係我同ballball的lunch 啦! 好好味


兩塊薯餅+細芝士腸+車打芝士熱dog+汽水一罐... 多謝$28蚊

企鵝朗

今天一大早, 出廳就聽到一陣煲水的叫聲....EEEEEEEE, 原來唔係真係水滾,
只係我地朗少要提醒麻麻水滾啦, 水滾啦... 就發出EEEEEE的聲!
之後就發現佢著住件企鵝衫, 好搞笑!

朗少亨國歌

每天朗少一到6:30pm, 大家都唔可以阻住佢睇電視, 因為佢一定要亨國歌架!

11月25日晚上10:30pm,
小朗睡了, 但發現佢有鼻寒聲囉, 事源係他們成家去左婆婆家吃飯, 點知朗少俾佢爸爸鬧鬧, 好似話因佢掉野落地下喎! 就係咁禽晚就訓得唔好啦, 不時傳出陣陣鼻寒聲, 一時又起身咸下咁!
亨... 問佢下次仲敢唔敢!! 答案係 : 唔洗24小時就已經唔記得晒啦... 哈哈

星期日飲茶日

11月23日早上,

不經不覺, 寶寶姐姐已經搬走左2個星期了,而暫時每個星期六佢都會記得打俾麻麻"你明天係唔係會同我去食早餐架" 我地當然記得啦! 豬小姐, 係最怕你有一天會唔記得我0者!
好古怪, 寶寶姐姐當天問了我一個問題, 佢話
寶寶 : 姑姐點解你會覺得我會唔記得你呢?
姑姐 : 唔知呀,我覺得你大頭蝦囉!
寶寶 : 梗係唔會啦, 點解你會咁想我架, 我一定會記得你架!
聽完後, 姑姐好開心呀...哈哈哈


你睇小妹, 大隻左幾多, 以家仲有2隻牙仔架啦!


呢張相係唔係有dd似曾相識呢? 亨亨媽??

爺爺好耐都冇見過小妹啦, 同姑姐一樣, 見到佢就話, 嘩! 你睇小妹有2隻牙啦! 哈哈

是日晚餐

今日放學回家, 覺得有d餓呀, 可能係因為凍掛... 所以我就為自己找左個藉口, 煮左個雞蓉麵醫下個肚仔... 正

另外, 媽咪今日仲煎左魚湯呀... 呢碗湯除了有愛心之餘, 最重要的是冇添加一點鹽都冇架... 真係大人細佬都"arm" 飲呀!

(同場表演,爺孫樂.... 爺爺咬住朗少所謂的"DD"的背面0者, 一個就去囉)



囉完又放番去口... 頂唔緊!

早餐

11月19日早上7:30am

唔知道朗少係到執咩呢??


原來係係到學習用手指仔執包包食


食完啦... 就飲下水水!


點知... 一下子發現..原來已經冇晒啦


之後就放聲大叫... MUM MUM MUM


姑姐~ 你仲影....... 要 mum mum呀

峰哥8歲了,跟爺爺一起慶祝生日

10月26日小峰與爺爺一起慶祝生日!



小朗與婆婆跟細e

幾多野食

小峰哥幾多生日禮物

小朗嘩嘩嘩

(都唔知點解一見到相機就要嘩大個口... 當我叫1,2,3佢就會另過來...嘩嘩)

(朗少自從翹企的時候, 就好LIKE成日都做望街男, 你睇佢個背影, 似唔似呂奇?)

朗少

(呢個係男版小紅帽,名叫小男帽)

(出街街啦...幾開心, 媽咪...姑姐姐佢俾左紙巾我啦!!)

(你睇佢對眼幾咁不滿我影佢...哈哈)

下午Tea一Tea & 大事一則

(好緊張, 好緊張... aky 姐姐有咩俾我呢???)

(到底Aky姐姐有咩咁吸引亨亨boy呢?? ... 答案: 係佢唔食得的糖糖)

(唔好睇亨亨好似enjoy, 其實佢係冇得食)

Rachel ee 未食lunch, 呢個就係佢的意粉lunch

呢個是朱古力coffee 同唔知咩包... 不過都幾好味
Nov 15 2008
今日同Rachel~ hang 哥,AKY, Cannis, 凱晴, 下午tea一tea...不過呢一刻好想sleep! 如果你地睇到blog...等等我, 我會寫番d字架!

啤酒節2008@Marco Polo HK Hotel

(呢個是我的晚餐, 有包包, 有酸菜, 燒腸和薯蓉)

(呢個係亞芝姐姐的, 有包包, 唔同的腸仔仲有薯仔沙律)

Nov 14 2008
昨天跟了亞芝姐姐和她的朋友一起了由Marco Polo HK Hotel 舉辦的啤酒節, 其實我之前係沒有去過的,所以都想一去見識一下, 嘩! 唔知係唔係昨天係星期五呢? 真係好多人呀,成個場都係人,不過我想西人會比較多,昨晚入去, 大家都要先俾$180元入場, 入場包你一杯盧雲保啤酒同囉佢一隻mug!野食係另計的!而會場入面仲有一個位置係有一隊band的, 佢地會唱歌,跳舞同埋我地玩遊戲的! 都幾開心呀...d人3唔識7見到你有酒係身就會同你chees.....! 而且d西人仲踩埋上桌到勁"un" d mug 就跌晒落地下! 都咪話唔危險!而昨晚除左飲左杯啤酒外, 我仲食左個腸腸,酸菜薯蓉餐!不過就貴d囉!

失落!

係我咪update 自己的blog之前, 我想講一句失樂,因為yahoo blog 個到, 妮媽唔再寫blog了,忽然間看唔到小安娜, 好像有一點失落的感覺添!

星座茶餐廳

禽晚本想跟BallBall去TST食呢個新記的芝士撈丁,不過後來我問亞芝姐姐, 佢就話新記唔抵食, 結果最後我同BALLBALL就去左星座茶餐廳食蕃茄牛肉麵。點解會注明係要食蕃茄呢,因為波波話喎... 蕃茄對佢好有益, 佢要食多D食多D同埋食多D!!! 第二時我就知有幾好! 哈哈哈

寶寶搬了

時間過得真係快, 話咁快昨天就是寶寶姐姐在高家住的最後一天, 一起相處了6個寒冬, 真係有一點不捨得, 不過原來唔捨得個個只有我, 小朋友真善忘! 話說昨天我們幫他搬埋D剩餘物資都她的新居, 本來打算去一會之後就會帶番寶寶姐姐回家食個晚飯先再湊番佢番新居的,誰知道佢唔肯走喎, 話要留係新居同小妹玩!就係咁樣佢就正式搬走左啦。最心痛的是佢竟然一個電話都冇再打回來了!
唔怪之得佢上次同Rachel姐姐講同姑姐的感情其實都係般般啦! 真係唔信都唔得!

有感而發

其實我們的婚禮設於2010年的年底, 係唔係好遲呢?

因為話晒都要等多2年喎, 有人同我講2年後都唔知咩世界~ 又有人話差不多啦!

其實係唔係因為我迷信呢所帶來的死跟呢? 如果我唔死跟又會唔會即刻變左2009年呢?

呢d野真係唔知道, 係唔係應該要帶著一個令可信其有心態呢?

十萬個為什麼又出現了??????????

Ball Ball 的情歌

以下係ball ball sun 送給我的情歌!!

側田 - 三十日
逐晚倒數為見你準備 願你快點又與我一起 寂寥足足一個月 由電話減少距離 而偏偏竟不知怎說起 是太想念你 超過了預期 只想可擁著你 然後吻你 讓你驚喜 由這一分鐘我一生就只有你 明日縱使不堪 阻不到我用心愛你 讓我終於都明瞭 明白你比生死重要 連話語 也沒法盛載得起 I'll give my life to be near you in every way For I have nothing left to be here on this earth today 讓我終於不動搖 這改變因你 原諒我卻試過傷害你 逐秒擴張 惦記你滋味 合上眼睛像與你一起 為何分開一個月 如像孤島給隔離 尋不到 飛得走的客機 是太想念你 超過了預期 張開手保護你 遊歷世界 讓你驚喜 由這一分鐘我一生就只有你 明日縱使不堪 阻不到我用心愛你 讓我終於都明瞭 明白你比生死重要 連話語也沒法盛載得起 I'll spend my life here beside you in every way For I have nothing left to be here on this earth today 讓我終於不動搖 這改變因你 如若你欠信我的力氣 我唱這首歌 為你

解開疑團

今日一大早起身, 如常地落街買下報紙同雜誌, 因為想睇下個樓市有冇因為減左息又升番d!
不過都未有太大的影響 ... 因為可能大家都未知道最懷時刻係唔係已經到左掛??
今日都聽到ball ball 講佢公司都有好大的變動, 我都有d擔心架! 因為我地跟住下來又要買地盤, 又要搞大project! 唔擔心就假的, 不過我相信呢d日子好快就會過去, 我們都可以一起捱過的!
今日我地下午去左睇bond, 不過我就覺得麻麻地啦, 有d悶! 講到佢又係好似打不死咁,有沒有靚車睇! 晒左!
係黃埔睇完戲, 我就就坐船仔去北角去解開我的地迷團啦! 上星期我地已經安排摘日子架啦, 不過小女子我又麻煩的, 又要馬兒好, 又想隻馬唔多洗吃草, 真係多得ball ball sun!! 因為之前師傅同我摘的日子我都唔係太like, 又冇星期六, 我要麻煩佢再摘過, 點知第二張同第一張又唔同喎,真係好煩! 所以今天我地就索性踩場問過明白, 原來呢用來擺酒的日子都可以用來註冊, 最終我地終於揀到啦! 安樂晒, 黎緊就係要煩睇下邊到地方俾我地擺酒啦!

又開學了!

昨天終於又開學了, 估唔到一個月的BREAK咁快就放完了!!
我要俾心機! 俾心機!

好緊張呀! 又好擔心呀
雖然我同波波的大日子係2010年的尾到唔尾... 但係當我知道左之後, 就急不及待好想去睇定D野!
好似book 酒席啦, 婚紗等等!

係上星期日我地去左行第一次的婚紗展覽 我就已經兩眼發光咁俾Noel的Design吸引左去... 係完全鬼X眼的情況下, 就咁冇左$$$$! 打後上網check D JM 話間野服務態度可其差, 揀來揀去都揀唔到適合的款... 一定要upgrade 先得的字眼, 你知啦...以家咩環境呀 ... 如果咁搞法 都唔知會over 幾多$先夠洗呀!

就係因為十萬勁WORRY ... 我就係昨晚約波波的時候就去番間SHOP 睇下囉, 好采的是都幾NICE 的, 仲有呀 UNCLE CHU 仲認得波波呀... 仲攬左佢幾野~~~~~!! 希望到我真係要揀衫的時候, 都係咁好服務同俾我好容易咁揀到衫啦!!

Our blog "波碧 Love Blog" is launched!

波碧網誌終於建立 la... :D